बुधबार ५ बैशाख, २०८१ | Wednesday Apr 17, 2024
रियो डे जेनेरियो । ब्राजिललाई उस्कै घरेलु मैदानमा हराउँदै अर्जेन्टिना कोपा अमेरिका २०२१ को बिजेता बन्न सफल भएको छ । दक्षिण अमेरिकी फुटबलका दुई शक्तिशाली टिमबीच गए राति भएको खेलमा अर्जेन्टिनाले ब्राजिललाई हराएर उपाधि हात पारेको हो ।
अर्जेन्टिनाको ऐतिहासिक जितमा एन्जेल डी मारियाले पहिलो हाफमा गरेको एक गोल नै निर्णायक बन्यो । यस जितसँगै उपाधि जित्ने फुटबल स्टार लियोनल मेसीको सपना पनि पूरा भएको छ । यसअघि उनले विश्वकप फाइनलसम्मको खेल खेले पन ठूलो उपाधि दिलाउन भने सकेका थिएनन् ।
ब्राजिलको माराकाना स्टेडियममा भएको खेलमाको ५२ औं मिनेटमा ब्राजिलका लागि रिचार्लिसनले गोल गरे पनि त्यसले मान्यता नपाएपटि अर्जेन्टिनाले २२औं मिनेटमा गरेको गोल नै निर्णायक बन्न पुगेको हो ।
सन् १९९३ मेक्सिकोलाई हराएर कोपा अमेरिका जितेको अर्जेन्टिनाको लागि यो त्यसपछिको ठूलो सफलता हो ।
