हिमालयनसँग मर्जरमा जाँदै गरेको इन्भेष्टमेन्टले सबैभन्दा बढी कल निक्षेप थुपार्यो, कस्को कति ?

काठमाडौं । हिमालयन बैंकसँग मर्जरमा जाँदै गरेको नेपाल इन्भेष्टमेन्ट बैंक (एनआईबीएल)ले अन्य वाणिज्य बैंकको भन्दा बढी कल निक्षेप थुपारेको छ । असुरक्षित निक्षेप मानिने कल डिपोजिट यो बैंकको साउन महिनामा २३ अर्ब ६० करोड रुपियाँ थुपारेको छ । यो उसको कुल निक्षेपको १३.३३ प्रतिशत हो ।

हिमालयन बैंकको भने यस्तो कल निक्षेप ५.७१ मात्रै छ । हिमालयन बैंकले साउनमा कल निक्षेप आठ अर्ब ३६ करोड रुपियाँको मात्रै संकलन गरेको छ । नेपाल बैंकर्स संघले उपलब्ध गराएको तथ्यांकअनुसार गएको साउनमा इन्भेष्टमेन्ट बैंकले अन्य २६ वटा वाणिज्य बैंकहरूको भन्दा धेरै कल निक्षेप जम्मा गरेको छ ।

यो डिपोजिट जतिबेला पनि राख्न र झिक्न सकिने भएकोले जोखिम बढि भएको लगानीलाई बढाउन हुँदैन । कल डिपोजिटमा चल्ती खाताको जस्तै यो पैसा जतिबेला पनि राख्न र झिक्न सक्ने भएकोले  राष्ट्र बैंकले सीमा तोकिदिएको हो । मौद्रिक नीतिले माग तथा अल्प सूचनामा आधारित यस्तो कल निक्षेपमा बचत निक्षेपमा प्रदान गरिने न्यूनतम ब्याजदरको ५० प्रतिशतभन्दा बढी ब्याज प्रदान गर्न नपाइने व्यवस्था गरेको छ ।

कल निक्षेप धेरै जम्मा गर्ने अरु बाणिज्य बैंकमा नबिलसमेत रहेको छ । यो बैंकले पनि सीमाभन्दा बढी अर्थात ११.२६ प्रतिशतले कल निक्षेप संकलन गरेको छ । नबिल बैंकले साउनमै २५ अर्ब ३३ करोड रुपियाँ कल निक्षेप संकलन गरेको छ । यो बैंकले संकलन गरेको यस्तो कल निक्षेप कुल निक्षेपको ११.२६ प्रतिशत हो । नबिलको साउनसम्मको कुल निक्षेप दुई खर्ब २५ अर्ब रुपियाँ रहेको छ ।

बाँकी अरु वाणिज्य बैंकहरूको भने कल निक्षेप निर्धारित सीमाभित्र राखेका छन् । पाँच वाणिज्य बैंकको कल निक्षेप नौ प्रतिशत भन्दा बढी छ । चार वटाको आठ प्रतिशत, आठ वटाको सात प्रतिशत, चार वटाको छ प्रतिशत, तीन वटाको पाँच प्रतिशत र एउटाको मात्रै कल डिपोजिट जम्मा चार दशमलव ८४ प्रतिशत मात्रै रहेको छ । वाणिज्य बैंकहरूले साउनमा मात्रै तीन खर्ब ३० अर्ब रुपियाँको कल डिपोजिट संकलन गरेका छन् । यस्तो डिपोजिट साउनमा ८.२ प्रतिशतले बढेको पनि तथ्यांकले देखाएको छ । 

साउनसम्ममा वाणिज्य बैंकहरूले संकलन गरेको कल निक्षेप (रकम रु.१० लाखमा)