शनिबार ८ बैशाख, २०८१ | Saturday Apr 20, 2024
काठमाडौं । चालु आर्थिक वर्ष २०७८–७९ को पहिलो महिना साउनमा अधिकांश वाणिज्य बैकले नाफा गरेका छन् । तर मुलुकको जेठो नेपाल बैंक भने नोक्सानमा देखिएको छ ।
साउनमा २६ वाणिज्य बैंकले छ अर्ब ३० करोड ९७ लाख रुपियाँ नाफा आर्जन गरेका छन् । तर नेपाल बैंक भने एक करोड एक लाख रुपियाँ नोक्सानमा रहेको नेपाल राष्ट्र बैंकको तथ्यांकबाट देखिन्छ ।
साउनमा सबैभन्दा बढी नाफा आर्जन गर्नेमा नबिल बैंक रहेको छ । यस बैंकले ६१ करोड नौ लाख रुपियाँ खुद नाफा कमाउन सफल भएको छ ।
यस्तै, धेरै नाफा आर्जन गर्ने दोस्रो बैंक ग्लोबल आइएमई रहेको छ । यस बैंकले ४८ करोड ४६ लाख रुपियाँ नाफा आर्जन गरेको छ । यसपछि क्रमशः एनआईसी एशिया बैंकले ४१ करोड तीन लाख र सिद्धार्थ बैंकले ३२ करोड ६१ लाख रुपियाँ खुद नाफा आर्जन गरेका छन् ।
साउनमा प्राइमले ३० करोड ३८ लाख रुपियाँ, एनएमबिले ३० करोड १९ लाख रुपियाँ, नेपाल इन्भेष्टमेन्ट बैंकले २९ करोड १३ लाख रुपियाँ, एभरेष्ट बैंकले २८ करोड ९३ लाख रुपियाँ, मेघा बेंकले २८ करोड ४० लाख रुपियाँ र प्रभु बैंकले २७ करोड ४८ लाख रुपियाँ खुद नाफा आर्जन गरेका छन् ।
त्यस्तै, सानिमाले २६ करोड ६४ करोड रुपियाँ, कृषि विकासले २६ करोड १७ लाख रुपियाँ, कुमारी बेंकले २५ करोड ७२ लाख रुपियाँ, सिटिजन्स बैंकले २४ करोड ४८ लाख रुपियाँ र माछापुच्छ्रे बैंकले २२ करोड ६९ लाख रुपियाँ, लक्ष्मी बैंकले २१ करोड ४८ लाख रुपियाँ, सनराइज बैंकले १८ करोड ८३ लाख रुपियाँ, एनसीसी बैंकले १६ करोड पाँच लाख रुपियाँ, स्ट्याण्डर्ड चार्टर्ड बैंकले १५ करोड आठ लाख रुपियाँ, नेपाल एसबीआई बैंकले १३ करोड ९८ लाख रुपियाँ, हिमालयन बैंकले १३ करोड १३ लाख रुपियाँ र सिभिल बैंकले १० करोड ७८ लाख रुपियाँ खुद नाफा आर्जन गरेका छन् ।
साउनमा सबै भन्दा कम नाफा आर्जन गर्ने तीन बैंकमा अफ काठमाण्डू, सेञ्चुरी र राष्ट्रिय वाणिज्य बैंक छन् । यी बैंकले १० करोड रुपियाँभन्दा थोरै नाफा कमाएका छन् । यस महिनामा बैंक अफ काठमाण्डूले नौ करोड रुपियाँ, सेञ्चुरी बैंकले सात करोड रुपियाँ र राष्ट्रिय वाणिज्य बैंकले सात करोड रुपियाँ नाफा कमाएको तथ्यांकमा उल्लेख छ ।
२७ वाणिज्य बैंकको नाफा रु. लाखमा
| Bank name | Net Profit |
| Nabil Bank | 6,109 |
| Global IME Bank | 4,846 |
| N IC Asia Bank | 4,103 |
| Sidd hartha Bank | 3,261 |
| Prime Commercial Bank | 3,038 |
| NMB Bank | 3,019 |
| Nepal Investment bank | 2,913 |
| Everest bank | 2,893 |
| Mega Bank | 2,840 |
| Prabhu Bank | 2,748 |
| Sanima Bank | 2,664 |
| Krishi Bikash Bank | 2,617 |
| Kumari Bank | 2,572 |
| Citizens International Bank | 2,448 |
| Machhapuchhre Bank | 2,269 |
| Laxmi Bank | 2,145 |
| Sunrise Bank | 1,883 |
| NCC Bank | 1,605 |
| Standard Chartered Bank | 1,508 |
| Nepal Bangladesh Bank | 1,438 |
| Nepal SBI Bank | 1,398 |
| Himalayan Bank | 1,313 |
| Civil Bank | 1,078 |
| Bank of Kathmandu | 937 |
| Century Bank | 730 |
| Rast riya Banijya Bank | 722 |
| Nepal Bank | -101 |
| Total | 63097 |
