शुक्रबार १४ बैशाख, २०८१ | Friday Apr 26, 2024
काठमाडौं । आफ्नो विरोधमा प्रमुख जिपक्षी दल एमालेले गर्दै आएको संसद अवरोध हटाउन सभामुख अग्नि सापकोटाले सर्वदलीय बैठक बोलाएका छन् । नयाँ बानेश्वरस्थित संसद् भवनमा अपराह्न २ः३० बजेका लागि बैठक बोलाए पनि एमाले अध्यक्ष केपी ओली भने बैठकमा नजाने भएका छन् ।
सर्वदलीय छलफल संसदमा जारी गतिरोध अन्त्यलगायतका समसामयिक विषयमा केन्द्रित रहने सभामुखको सचिवालयले जनाएको छ । छलफलमा संसदमा प्रतिनिधित्व गर्ने सबै दलका संसदीय दलका नेतालाई बोलाइएको छ ।
आफूले कारवाहीस्वरुप साँसद पदबाट हटाउन सिफारिस गरेका माधव नेपालसहित १४ जनाको सुचना नटाँसेको भन्दै एमालेले सभामुखको विरोध गर्दै आएको छ । सोही विरोधमा उसले संसद् बैठक सुरु भएदेखि नै अवरोध गर्दै आएको छ । आइतबार पनि संसद् बैठक दुई पटक बसे पनि कार्यसूचीमा प्रवेश नै नगरी मङ्गलबारसम्मका लागि स्थगित भयो ।
