बिहीबार १३ बैशाख, २०८१ | Thursday Apr 25, 2024
काठमाडौं । केही दिनदेखिको अविरल बर्षाका कारण आएको बाढीपहिरो र डुबानमा परी विभिन्न जिल्लामा ३१ जनाको मृत्यु भएको छ ।
गृहमन्त्रालयको बुधबार बिहानसम्मको विवरणअनुसार ३१ जनाको मृत्यु भएको छ भने अन्य ४३ जना बेपत्ता भएका छन् । विपद्मा परेर २२ जना घाइते भएका मन्त्रालयको विपद् व्यवस्थापन महाशाखा जनाएको छ ।
सम्पर्कविहीनहरुको संख्या धेरै रहेकाले मृत्युको संख्या बढ्नसक्ने अनुमान गरिएको छ । प्राप्त विवरणअनुसार इलाममा सात, पाँचथरमा छ, डोटीमा सात, धनकुटामा छ, सुनसुरीमा दुई, कालीकोटमा एक, डडेलधुरामा एकसहित ३१ जनाको मृत्यु भएको हो ।
पहिरोमा परेर हुम्लामा छ, बझाङमा २३, कैलालीमा चारसहित विभिन्न जिल्लाका ४३ जना बेपत्ता भएका छन् । अहिलेसम्म विभिन्न जिल्लाबाट सयसयलाई उद्दार गरिएको गृहको भनाई छ ।
अबिरल बर्षासँगै आएको बाढी पहिरो र डुबानबाट मुलुकका १९ जिल्ला प्रभावित भएको छ ।
