बिहीबार १३ बैशाख, २०८१ | Thursday Apr 25, 2024
काठमाडौं । बलात्कारको आरोप लागेका संदीप लामिछाने विदेशबाट आउँदा त्रिभुवन अन्तर्राष्ट्रिय विमानस्थलबाटै पक्राउ परेका छन् ।
नेपाल आएर प्रहरीसमक्ष आत्मसमर्पण गर्ने घोषणा गरिसकेका उनलाई प्रहरीले विमानस्थलमै पक्राउ गरेका हुन् । बलात्कारको आरोप लागेपछि उनलाई राष्ट्रिय क्रिकेट टिमको क्याप्टेनबाट निलम्बन गरिएको थियो ।
कतार एयरवेजको विमानबाट बिहान त्रिभुवन अन्तर्राष्ट्रिय विमानस्थलमा ओर्लिएलगत्तै उनलाई पक्राउ गरेर गौशाला प्रहरीमा राखिएको छ ।
संदीपले आफू आज स्वदेश फर्किन लागेको जानकारी सामाजिक सन्जालमार्फत् दिएका थिए । उनी नेपालमै रहेको बेला गत भदौ २१ गते एक १७ बर्षीय बालिकाले बलात्कारको आरोप लगाउँदै जाहेरी दिएकी थिइन् ।
तर संदीपले आफू निर्दोष रहेको बताउँदै त्यसको कानुनी प्रतिवाद गर्ने बताएका थिए ।
