शुक्रबार ११ असोज, २०८१ | Friday Sep 27, 2024
काठमाडौं । ओरियन्टल होटेल्स लिमिटेडले आव २०७९/८० को नाफाबाट शेयरधनीहरुलाई ५.२६३२ प्रतिशत लाभांश दिने घोषणा गरेको छ ।
सञ्चालक समितिको हिजो साँझ बसेको बैठकले आर्थिक वर्ष २०७९/८० को नाफाबाट नगद लाभांश प्रस्ताव गर्ने निर्णय भएको प्रवन्ध सञ्चालक अनिलदास श्रेष्ठले जनाएका छन् ।
कम्पनीको हाल कायम चुक्ता पुँजी १ अर्ब १२ करोड ८० लाख रुपियाँ छ ।
यसैबीच लाभांश पारित गर्न असोज २५ गते २६औं वार्षिक साधारणसभा आह्वान गरेको छ । साधारणसभा प्रयोजनको लागि असोज १२ गतेदेखि असोज २५ गतेसम्म बुक क्लोज गर्ने निर्णय पनि भएको कम्पनीले जनाएको छ ।
