शुक्रबार ११ असोज, २०८१ | Friday Sep 27, 2024
काठमाडौं । बजारमा नक्कली इलेक्ट्रोनिक सामग्रीको बिगबिगी भएको सिजी इलेक्ट्रोनिकका एसिस्टेन्ट जनरल म्यानेजर मदन खनालले बताएका छन् । खनालले इलेक्टोनिक सामग्री खरिद गर्दा गुणस्तरमा ध्यान दिन सुझाएका हुन् ।
इलेक्ट्रोनिक सामग्रीमा कम गुणस्तर र कर छलिका सामान बजारभरी रहेको खनालले बताए । उनले कमसल खालका इलेक्ट्रिक सामानले मानिसको स्वास्थ्यमा समेत असर गर्ने बताए ।
उनले भने, ‘दैनिक जीवनमा प्रयोग हुने बल्ब जुन लुमिन्स एक सय लेखेको हुन्छ, तर साँच्चिकै परीक्षण गर्दा २४ पनि पुग्दैन ।ु बल्बको लुमिन्स कम हुँदा आखाँलाई असर गर्ने खनालको भनाई छ ।
सिजी ग्रुपले घर तथा भवनमा प्रयोग हुने बल्ब, स्वीच जस्ता विद्युतीय सामाग्रीको व्यवसाय सुरु गरेको करिब ६ वर्ष पुग्न लागेको छ । ६ वर्षमा नै सिजीले बजारको २० प्रतिशत हिस्सा ओगट्न सफल भएको छ ।
सिजीले आगामी दिनमा थप सामग्रीहरुको निर्माण गर्ने समेत तयारी गरेको छ । सिजीले बिक्री गर्ने सामग्रीमा गुणस्तरमा सम्झौता नगरेको खनालको भनाई छ। खनालका अनुसार कम्पनीले आफ्नै तार बनाउने उद्योग खोल्ने तयारी गरेको छ ।
विद्युतिय सामाग्रीमा कुनै मापदण्ड नहुँदा उपभोक्ताहरु ठगिने काम भएकोले सरकारले सतर्कता बढाउनु पर्ने खनालको भनाई छ । ग्राहकले विद्युतीय सामग्री किन्दा अनिवार्य मूल्य अभिवृद्धि कर (भ्याट) बिल लिनुपर्ने उनको भनाई छ।
