शुक्रबार ११ असोज, २०८१ | Friday Sep 27, 2024
काठमाडौं । शेयर बजार आज फेरि तल झरेको छ । बजारमा गिरावट आएसँगै कारोबार रकम पनि आधा अर्बमा सीमित भएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार १४.२९ अंकले घटेको हो । ०.७६ प्रतिशतले बजार घट्दा नेप्से परिसूचक १८६४.४० अंकमा ओर्लिएको छ ।
आज २८६ कम्पनीका २२ लाख ५८ हजार १ सय ८७ कित्ता शेयर किनबेच हुँदा ५७ करोड १४ लाख ८३ हजार २ सय ७६.४८ रुपियाँ बराबरको कारोबार भएको हो ।
महुली लघुवित्तका लगानीकर्ताहरुले सबैभन्दा बढी ६.०५ प्रतिशतले नाफा कमाएका छन् ।
त्यस्तै आज तेस्रो दिन पनि सोनापुर मिनरल्समा नेगेटिभ सर्किट लागेको छ । उक्त कम्पनीका लगानीकर्ताहरुले आज पनि ९.९८ प्रतिशतले घाटा व्यहोरेका छन् ।
५४ कम्पनीको शेयर मूल्य बढ्दा बाँकीको शेयर मूल्य घटेको छ ।
सूर्यज्योति लाइफ इन्स्योरेन्सको आज उच्च कारोबार भएको छ । उक्त कम्पनीको १ करोड ७० लाख ११ हजार ४ सय ८७.९० रुपियाँ बराबरको कारोबार भएको नेप्सेले जनाएको छ ।
साताको पहिलो आइतबार २८.१८ अंकले बजार घट्दा ७४ करोड २९ लाख २५ हजार ३ सय ९२.५६ रुपियाँ र हिजो सोमबार ३.०४ अंकले बजार बढ्दा ६९ करोड ४२ लाख २२ हजार २ सय १७.३७ रुपियाँ बराबरको कारोबार भएको थियो ।
