आइतबार १३ असोज, २०८१ | Sunday Sep 29, 2024
काठमाडौं । काठमाडौं र धादिङको सीमाना स्थित धुनिवेसी नगरपालिका–९ झ्याप्ले खोला पहिरोमा बस र माईक्रो पुरिदा ज्यान गुमाएकाहरूको संख्या २८ पुगेको छ ।
दुर्घटना स्थलमा उद्धार तथा खोजीमा लागेका सुरक्षाकर्मीले आइतबार बिहानसम्म पुरिएका गाडीहरुबाट २८ जना मृतकको शव निकालेको प्रहरीले जनाएको हो ।
घटनास्थलमा १ सय हाराहारी सुरक्षाकर्मी परिचालन गरिएको छ भने ३ वटा जेसिवी मार्फत पहिरो हटाउने काम भइरहेको छ । उक्त पहिरोमा परी थप व्यक्तिहरु पुरिएको हुन सक्ने आशंकासहित अहिले सुरक्षाकर्मीले खोजी कार्य जारी राखेको छ ।
पहिरो पन्छाउने र हराएकाहरुको खोजी कार्य जारी रहेकोले सो सडक खण्डको दुबैतर्फको सवारी आगमन रोकिएको प्रहरीले जानकारी दिएको छ ।
