आइतबार १३ असोज, २०८१ | Sunday Sep 29, 2024
काठमाडौं । रु रु जलविद्युत परियोजना लिमिटेडले शेयरधनीहरुलाई १५.७८९ प्रतिशत लाभांश दिने घोषणा गरेको छ ।
सञ्चालक समितिको शनिबार सम्पन्न बैठकले आव २०८०–८१ को नाफाबाट १५ प्रतिशत बोनस शेयर र कर प्रयोजनका लागि ०.७८९ प्रतिशत नगद लाभांश प्रस्ताव गर्ने निर्णय गरेको अध्यक्ष आशिष सुवेदीले जनाएका छन् ।
साथै बोनश शेयर पछि कायम हुने चुक्तापूँजीको १ः०.८० को अनुपातमा हकप्रद शेयर प्रस्ताव गर्ने निर्णय भएको छ । कम्पनीको हाल कायम चुक्ता पूँजी १ अर्ब २ करोड ११ लाख ७९ हजार ९ सय ६६ रुपियाँ छ ।
यसैबीच कम्पनीको १९औं वार्षिक साधारण सभा कात्ति ११ गते बिहान ११ बजे लिसारा ब्याङ्केट नक्सालमा बोलाइएको छ ।
