काठमाडौं । नेपालले टी–२० शृंखलामा आज वेस्ट इन्डिज ‘ए’ सँग चौथो खेल खेल्दै छ ।
खेल कीर्तिपुरस्थित त्रिवि क्रिकेट मैदानमा दिउँसो १ बजे सुरु हुनेछ ।
पाँच खेलको ट्वान्टी–२० शृंखलाका लागि नेपाल आएको वेस्ट इन्डिज ‘ए’ले यसअघिको दोस्रो खेलमा नेपाललाई १० रनले हराएको थियो ।
त्यस्तै, हिजो भएको तेस्रो खेलमा पनि ७६ रनले पराजित गरेको थियो ।
पहिलो खेलमा भने नेपालले वेस्ट इन्डिज ‘ए’ विरुद्ध चार विकेटको जित निकालेको थियो ।
यी दुई टिमबीचको पाँचौं तथा अन्तिम खेल शनिबार हुनेछ ।