काठमाडौं । दोस्रो ट्वान्टी–२० खेलमा नेपाल आज वेस्ट इन्डिज ‘ए’ विरुद्ध खेल्दै छ ।
यसअघि रोस्टन चेजको कप्तानीमा रहेको वेस्ट इन्डिज ‘ए’ विरुद्ध चार विकेटको जित निकालेको नेपालले आज पनि सोही लयलाई पक्रने कोसिसमा हुनेछ ।
खेल कीर्तिपुरस्थित त्रिवि क्रिकेट मैदानमा मध्याह्न १२ः१५ बजेदेखि सुरु हुनेछ ।
ट्वान्टी–२० विश्वकपको तयारीका लागि आयोजित यो शृंखलाका सबै खेल त्रिवि क्रिकेट मैदानमा हुनेछन् ।
आजको खेलपछि शृंखलाको तेस्रो खेल बुधबार, चौथो खेल बिहीबार र पाँचौँ तथा अन्तिम खेल शनिबार हुने तालिका छ ।
पहिलोपटक नेपाल भ्रमणमा आएको वेस्ट इन्डिजले घरेलु टिमसँग पाँच खेलको ट्वान्टी–२० शृंखला खेल्ने तालिका छ ।