सोमबार २४ बैशाख, २०८१ | Monday May 06, 2024
काठमाडौं । क्रेस्ट माइक्रो लाइफ इन्स्योरेन्स लिमिटेडको प्रथम वार्षिक साधारण सभाबाट संस्थापक समूहको सञ्चालक निर्वाचित भई अध्यक्ष चयन भएका ऋषिराज मोरले आज पद तथा गोपनियताको सपथ ग्रहण गरेका छन् ।
सञ्चालक समितिको गत चैत १९ गतेको बैठकले मोरलाई अध्यक्ष पदमा सर्वसम्मत चयन गरेको थियो ।
अध्यक्ष मोरले आज नेपाल बीमा प्रधिकरणका अध्यक्ष सूर्यप्रसाद सिलवाल समक्ष पद तथा गोपनियताको शपथग्रहण गरेका हुन् ।
शपथग्रहण कार्यक्रममा प्रधिकरणका पदाधिकारीहरु लगायत कम्पनीका प्रमुख कार्यकारी अधिकृत प्रतापमान श्रेष्ठ तथा नायब प्रमुख कार्यकारी अधिकृत अभिजित केसीको समेत उपस्थिति थियो ।
