शनिबार ५ जेठ, २०८१ | Saturday May 18, 2024
काठमाडौं । शेयर बजारमा गिरावट आउँदा कारोबार रकम पनि घटेको छ ।
नेपाल स्टक एक्सचेञ्ज लिमटेड (नेप्से) का अनुसार आज बजार २४.५८ अंकले तल झरेको हो । १.२३ प्रतिशतले बजार घट्दा नेप्से १९७४.३७ अंकमा ओर्लिएको छ ।
समग्रमा बजार घटे पनि लघुवित्त र निर्जीवन बीमा समूह थोरै बढेका छन् । लघुवित्त ०.१६ प्रतिशत र निर्जीवन बीमा समूह ०.०४ प्रतिशतले उचालिएका हुन् । बाँकी समूह राताम्मे भए ।
आज दोल्ती पावरका लगानीकर्ताले सबैभन्दा बढी ९.५६ प्रतिशतले नाफा कमएका छन् भने पिपुल्प पावरका लगानीकर्ताले सबैभन्दा बढी ९.९२ प्रतिशतले घाटा व्यहोरेका छन् ।
नेपाल फाइनान्सको उच्च कारोबार भएको छ । उक्त कम्पनीको १२ करोड ६४ लाख ९९ हजार ७ सय ५३.१० रुपियाँ बराबरको कारोबार भएको नेप्सेले जनाएको छ ।
