काठमाडौंः प्राइम लाइफ इन्स्योरेन्स कम्पनीले चालु आर्थिक बर्षको तेस्रो त्रैमाससम्ममा खुद मुनाफा ३३ दशमलव ६४ प्रतिशतले बढाएर १४ करोड ३१ लाख पुर्याउन सफल भएको छ ।
अघिल्लो वर्षको सोही अवधिमा कम्पनीले १० करोड ७४ लाख रुपियाँ कमाएको थियो । कम्पनीले यस आर्थिक बर्षको पहिलो नौ महिनामा जीवन बीमा कोष पाँच अर्ब ९८ करोड र जगेडा कोष ९४ करोड ८२ लाख पुुर्याउन सफल भएको छ ।
चुक्ता पुँजी ६१ करोड दुई लाख रुपियाँ रहेको प्राइम लाइफले सञ्चालन मुनाफा ३२ दशमलव ५१ प्रतिशत वृद्धि गरेर २१ करोड ६४ लाख रुपियाँ पुर्याएको छ भने खर्च ३० दशमलव ४५ प्रतिशतले बढेर सात करोड ३२ लाख रुपियाँ पुगेको छ ।
कम्पनीको बीमाशुल्क खुद एक अर्ब ४५ करोड ५१ लाख रुपियाँ आर्जन गरेको छ भने दाबी भुक्तानी खुद १८ करोड ७८ लाख रुपियाँ रहेको छ । कम्पनीको प्रतिशेयर आम्दानी ३१ दशमलव २८ रुपियाँ, प्रतिशेयर नेटवर्थ २६९ दशमलव ३१ रुपियाँ र मूल्य आम्दानी अनुपात २० दशमलव ४३ गुणा रहेको छ ।