दाहालले विश्वासघात गरे, देश अस्थिरता र अनिश्चिततातिर गयोः कांग्रेस

काठमाडौं । संसदको सबैभन्दा ठूलो र प्रमुख प्रतिपक्षी दल नेपाली काँग्रेसले प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहालले राजनीतिक बेइमानी गरेको ठहर गर्दै सरकारलाई दिएको समर्थन फिर्ता लिएको छ । 

बिहीवार संसद भवनस्थित ल्होत्से हलमा बसेको सो पार्टीको संसदीय दलको बैठकले दाहालले राजनीतिक बेइमानी गरेको ठहर गरेको हो । आफूहरु सदैव गठबन्धनकाप्रति इमान्दार रहेको उसले दाबी समेत गरेको छ । 

उनले प्रधानमन्त्रीले गठबन्धन भत्काउनुपरेको कारणहरु काल्पनिक, कपोकल्पित र तथाकथित रहेको बताउँदै प्रधानमन्त्री दाहालले काँग्रेससँगको गठबन्धन भत्काएर मुलुकलाई अस्थिरता, अन्योल र अनिश्चिततातिर लैजाने काम गरेको काँग्रेसले ठहर गरेको बताए । 
 
उनले भने, ‘यो बैठकमा हामीले पछिल्लो समयमा विकसित र परिवर्तित राजनीतिक घटनाहरु, घटननाक्रमका बारेमा छलफल गरेका छौँ । विगतमा एउटा निश्चित परिस्थितिमा नेपाली काँग्रेस समेत मिलेर हामीले गठबन्धन बनायौँ, त्यो गठबन्धनलाई गत संसदीय र प्रदेश सभाको निर्वाचनताका पनि गठबन्धनकै आधारमा हामी निर्वाचनमा प्रतिष्पर्धा गरेका थियौँ । जनताका बीचमा पनि गठबन्धन बनाएरै गएका थियौँ । हाम्रो गठबन्धन निर्माणको मुख्य उद्देश्य भनेको नेपालको संविधानको रक्षा, संघीय गणतन्त्रात्मक व्यवस्थाको सुदृढीकरण र यो व्यवस्थालाई सुदृढ गर्दै मुलुकमा दिगो शान्ति, सुशासन, विकास र समृद्धि, स्थिरता प्राप्त गर्ने लक्ष्यका साथ हामीले गठबन्धन गरेका थियौँ ।’ 

लेखकले थपे, ‘नेपाली काँग्रेस सदैव गठबन्धनकाप्रति इमान्दार रह्यो । हामीले गठबन्धनका मूल्य, मान्यता, गठबन्धनमा रहँदा हाम्रोबीचमा भएका सहमतिलाई अक्षरशः पालना गर्नेगरी हामी प्रतिवद्ध रह्याँै । र तदनुरुप काम गरेका थियौँ । तर पछिल्लो समयमा गठबन्धनका तर्फबाट प्रधानमन्त्री बन्नुभएका नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहालजीले गठबन्धनलाई, हामीलाई विश्वासघात गरेर गठबन्धन भत्काउनु भयो । उहाँले जुन कारणहरु विभिन्न ढंगले भनिरहनुभएको छ, ती अत्यन्त काल्पनिक, कपोकल्पित र तथाकथित कारणहरु देखाएर गठबन्धन भत्काउनु भयो । यसलाई हामीले राजनीतिक बेइमानीका रुपमा ठहर गरेका छाँै । हामीले गठबन्धनका नियम पालना गरेका थियौँ तर उहाँले अविश्वसनीय ढंगले गठबन्धन भत्काउनु भयो । उहाँले गठबन्धन भत्काएर मुलुकलाई अस्थिरता, अन्योल र अनिश्चिततातिर लैजाने काम गर्नुभयो । उहाँले गर्नुभएको विश्वासघात, राजनीतिक बेइमानी लगायतका कुरालाई हामीले ठहर र अनुभुति गरेर हामीले माओवादी केन्द्रका अध्यक्ष पुष्पकमल दाहाललाई दिएको समर्थन फिर्ता लिएका छौँ । अब नेपाली काँग्रेस संघीय संसदमा प्रमुख विपक्षी दलका हैसियतले रचनात्मक प्रतिपक्षको भुमिका निर्वाह गर्दछ र आजको बैठकले संघीय संसदमा रहेका नेपाली काँग्रेसका सम्पूर्ण माननीय सदस्यहरुलाई संसदमा देश र जनताका हीतमा प्रभावकारी रुपले प्रश्तुत हुन र रचनात्मक प्रतिपक्षको भुमिका निर्वाह गर्न निर्देशन गरेको छ ।’

उनले नेपाली काँग्रेसले अब संसदमा प्रमुख विपक्षी दलका हैसियतले रचनात्मक प्रतिपक्षको भुमिका निर्वाह गर्ने बताए । पार्टीले संसदमा रहेका नेपाली काँग्रेसका सम्पूर्ण सदस्यहरुलाई देश र जनताका हीतमा प्रभावकारी रुपले प्रश्तुत हुन र रचनात्मक प्रतिपक्षको भुमिका निर्वाह गर्न निर्देशन समेत दिएको छ ।