सोमबार २४ बैशाख, २०८१ | Monday May 06, 2024
काठमाडौं । इन्साइडर ट्रेडिङको अभियोगमा गुरुप्रसाद न्यौपाने दोषी ठहर भएका छन् । विशेष अदालतले मंगलबार उनलाई दोषी ठहर गरेको हो । त्यस्तै, अदालतले सजाय निर्धारणका लागि चैत १५ गते अर्को पेशी पनि तोकेको छ ।
विशेषका अध्यक्ष टेकनारायण कुँवर तथा सदस्यहरू रामबहादुर थापा र मुरारीबाबु श्रेष्ठको इजलासले यस्तो फैसला गरेको हो ।
न्यौपानेलाई प्रतिवादी बनाउँदै सम्पत्ति शुद्धीकरण अनुसन्धान विभागले १३ कात्तिकमा मुद्दा दायर गरेको थियो ।
न्यौपाने रिडी पावर कम्पनी लिमिटेडमा अध्यक्ष थिए। उनले उक्त कम्पनीको शेयर पदमा बहाल रहेकै बखत खरिद–बिक्री गरेको भेटिएको थियो ।
