बिहीबार १५ कात्तिक, २०८१ | Thursday Oct 31, 2024
काठमाडौं । सरकारले स्वास्थ्य बीमा कार्यक्रम अघि बढाउन आगामी आवका लागि ७ अर्ब ५० करोड रुपियाँ बजेट छुट्टाएका छ । अर्थमन्त्री बर्षमान पुनले आज संसद्मा आगामी आवको बजेट पेश गर्दै यस्तो बताएका हुन् ।
स्वास्थ्य बीमा कार्यक्रमलाई प्रभावकारी रुपमा अघि बढाउने पनि उनले बताए ।
वैकल्पिक उपचार पद्धतिका लागि २४ करोड
त्यसैगरी, सरकारले वैकल्पिक उपचार पद्धतिका लागि २४ करोड विनियोजन गेको छ । साथै, सिंहदरबार वैद्यखानको पुनर्संरचना गरी क्षमता विस्तार गरिने भएको छ । अर्थमन्त्री वर्षमान पुनले आगामी आवको बजेट प्रस्तुत गर्दै सो कुरा बताएका हुन् ।
त्यसैगरी, आधारभूत आयुर्वेद औषधि उत्पादन प्रवर्धनसमेत गरिने भएको छ । त्यसैगरी, सरकारी, निजी र सामुदायिक क्षेत्रबाट सञ्चालित स्वास्थ्य सेवा, औषधि उत्पादन र वितरणको गुणस्तर र मूल्यको नियमन सुदृढसमेत बनाउने अर्थमन्त्री पुुनले बताए ।
‘साथै वैकल्पिक उपचार पद्धतिका लागि २४ करोड विनियोजन गरेको छु,’ अर्थमन्त्री पुनले भने ।
