काठमाडौंः एसियाकै ठूलो बियर कम्पनीहरुमध्ये एकको रुपमा चिनिएको युनाइटेड ब्रुअरिज लिमिटेडले आफ्ना किङफिसर ब्राण्डका बियरहरु नेपालमा भित्राउन सुरु गरेको छ । युनाइटेडले नेपालमा यति ब्रुअरीसँग सहकार्य गरी किङफिसर प्रिमियम तथा किङफिसर स्ट्रङ ब्राण्डका बियरहरु शुक्रबारबाट नेपाली बजारमा बिक्री सुरु गरेको हो ।
युनाइटेड ब्रुअरिज लिमिटेड ग्लोबल बियर लिडर हेइनेकेन एनभीसँगको संयुुक्त उद्यम हो । युनाइटेडले आफ्नो विभिन्न देशहरुमा विस्तार गर्ने योजना अनुरुप नेपाली बियर पारखीहरुको लागि नेपाली बजारमा पनि किङफिसर बियर प्रस्तुत गरेको जनाएको छ ।
किङफिसरले निरन्तर आफ्ना उपभोक्ताको साथ रमाइलो तरिकाले आफूलाई जोड्दै आएको युनाइटेडले जनाएको छ । किङफिसर स्ट्रङको उत्पादन गुणस्तरीय माल्टेड बार्ली तथा हप्सको प्रयोगबाट गरिने भन्दै यसको उत्कृष्ट स्वाद तथा गुणस्तरीयतका कारण किङफिसर बियरको माग दिनानुदिन बढ्दै गएको जनाइएको छ ।
युनाइटेड ब्रुअरीजका प्रबन्ध निर्देशक शेखर राममुर्ति भन्छन, ‘किङफिसर विश्वव्यापीरुपमा स्थापित भारतीय ब्राण्ड हो । यसले हालै आफ्नो विस्तार योजना अनुरुप नेपालमा यति ब्रुअरीसँग सहकार्य गरी किङफिसर प्रिमियम र किङफिसर स्ट्रङको सुरुवातसँगै आफ्नो उपस्थिति प्रस्तुत गरेको छ । यति ब्रुअरीसँगको सहकार्यले हामीलाई अझ बढी उत्साहित तुल्याएको छ र हामीलाई यो विश्वास छ कि हाम्रो “गुड टाइम्स्” को प्रतिकात्मकतालाई फलदायी बनाउने छ ।’
यति ब्रुअरीका प्रबन्ध निर्देशक सन्जिव सराफ भन्छन, ‘किङफिसर बियरलाई नेपाली बजारमा प्रस्तुत गर्नु वियर उद्योगका लागि एक महत्वपूर्ण कोशेढुङ्गा रहेको छ । यो दक्षिण एसियामा नै स्थापित बियर ब्राण्ड हो ।’
नेपालभरका सम्पूर्ण विक्रीकक्षमा किङफिसर बियर उपलब्ध रहेको जनाइएको छ । किङफिसर प्रिमियम ६५० एमएलको बोटलमा उपलब्ध रहेको छ । यसको मूल्य २७५ रहेको छ । त्यसैगरी ५०० एमएलको क्यानको मूल्य २१० रहेको छ । किङफिसर स्ट्रङ ६५० एमएल बोटलको मूल्य २३५ रुपियाँ तथा क्यानको मूल्य १८० रुपियाँ तोकिएको छ ।