काठमाडौंः वर्षाले प्रभावित आइसीसी विश्व क्रिकेट लिग डिभिजन टु प्रतियोगितामा नेपाल युएईबिचको खेल नामिबियाको सुरु भएको छ । ढिलो गरि सुरु भएको खेललाई ५० ओभरबाट ३४ ओभरमा घटाइएको छ ।
मैदान भिजेपछि खेल ढिलागरि सञ्चालन गरिएको हो । खेलमा नेपालले टस जितेर फिल्डिङ रोजेको छ । खेल नेपाली समय अनुसार सवा ४ देखि खेलाइएको छ ।
नेपाल भर्सेस युएईः मैदान भिजेको कारण खेल अनिश्चित
काठमाडौंः नामिबियामा जारी आइसीसी विश्व क्रिकेट लिग डिभिजन टु प्रतियोगितामा नेपाल र युएईबिचको खेल अझै सुरु हुन सकेको छैन । दिउँसो सवा १ बजेदेखि सुरु हुृनुपर्ने खेल मौसम खराबीका कारण ढिलाई भएको हो ।
विन्डहोक क्रिकेट मैदान भिजेकाले खेल खेलमा ढिलाई आएको छ । आज खेल हुने वा नहुने अझै टुंगो लागेको छैन । खेल सञ्चालन गर्ने वा नगर्ने भन्ने विषयमा अबको केही समयमा निर्णय गर्ने बताइएको छ ।
तर, अहिले मैदानमा घाम लागेको र मैदान सुकाउन लागिएको जनाइएको छ । घाम लागेपनि खेल सुरु हुने समय अझै अनिश्चित छ । अहिलेसम्म टस पनि गरिएको छैन् ।
