आइतबार २३ बैशाख, २०८१ | Sunday May 05, 2024
काठमाडौं । भोलिदेखि तीन दिन काठमाडौंका विभिन्न स्थानमा ६ घण्टासम्म विद्युत् आपूर्ति अवरुद्ध हुने भएको छ ।
नेपाल विद्युत् प्राधिकरणले स्युचाटारदेखि बालाजु सबस्टेसनसम्म रहेको १३२ केभी भोल्टेजस्तरको प्रसारण लाइनको तारलाई नयाँ तारमा बदली गरी परिवर्तन गरेर मर्मत गर्नुपर्ने भएकाले विद्युत् आपूर्ति अवरुद्ध हुने जनाएको छ ।
प्राधिकरणका अनुसार सो कार्यका लागि १५ र १७ गते बिहान १० बजेदेखि दिउँसो ४ बजेसम्म विद्युत् आपूर्ति बन्द हुनेछ । त्यस्तै, १८ गते भने बिहान १० बजेदेखि दिउँसो दुई बजेसम्म बिजुली जानेछ ।
