काठमाडौंः वैदेशिक रोजगारसम्वन्धी ठगी मुद्दामा दोषी ठहर भएर फरार रहेकी महोत्तरी रामनगर–३ कि ३१ बर्षीय आरती गिरीलाई प्रहरीले प्रक्राउ गरी कारागार चलान गरेको छ ।
वैदेशिक रोजगार न्यायाधिकरणले उनलाई २०७० असार ३ गते दोषी ठहर्याउँदै एक बर्ष छ महिना कैद र एक लाख ५० हजार रुपियाँ जरिवाना तोकेको थियो । फरार रहेकी आरतीलाई प्रहरीले कमलपोखरीबाट पक्राउ गरी फैसला कार्यान्वयनका लागि काठमाडौं जिल्ला अदालतमा पेश गरेकोमा अदालतको आदेशअनुसार कैद भुक्तानीका लागि कारागार कार्यालय जगन्नाथदेवल पठाइएको प्रहरीले जनाएको हो ।
आरतीले छ महिनाभित्र इजरायल पठाइदिन्छु भन्दै २०६८ मंसिर २८ गते जाहेरवाला पदमसुन्दरी श्रेष्ठबाट तीन लाख ३० हजार र गीता श्रेष्ठबाट एक लाख ५५ हजार लिए पनि उनीलाई विदेश पनि नपठाउने र रकम पनि फिर्ता नगरेको प्रहरीको भनाई छ ।
