प्रहरी संगठनभित्रका खेलाडीको सेवासुविधा वृद्धि गर्ने तयारी

काठमाडौं । नेपाल प्रहरीले संगठन भित्रका आफ्ना खेलाडीको सेवा र सुविधा वृद्धि गर्ने तयारी गरेको छ। प्रहरी महानिरीक्षक सर्वेन्द्र खनालले प्रहरी संगठनका खेलाडीहरूलाई सेवा र सुविधा वृद्धि गर्ने योजना तय गरिएको जानकारी दिएका हुन्।

मंगलबार काठमाडौंमा आयोजित एक कार्यक्रममा नेपाल प्रहरी संगठनलाई प्रतिनिधित्व गर्दै राष्ट्रिय तथा अन्तराष्ट्रिय खेलकुद प्रतियोगितामा पदक विजेता खेलाडीलाई सम्मान गर्दै उनले देशको प्रतिष्ठा बढाउने गरी खेलकुद क्षेत्रमा लागेका संगठन भित्रका खेलाडीहरुलाई छिट्टै आफ्ना सेवा र सुविधा वृद्धि हुनेमा ढुक्क रहन पनि आग्रह गरे।

प्रहरी महानिरीक्षक खनालले खेलकुद क्षेत्रको विकासका लागि संगठनभित्र आवश्यक व्यवस्था मिलाउने कामलाई अघि बढाइएको पनि बताए।