काठमाडौ । लायन्स क्लव ईन्टरनेशनल ३२५ बि १ को पहिलो डिस्ट्रिक्ट ईन्सटलेशन तथा प्रथम क्याविनेट मिटिङ सम्पन्न भएको छ। श्रावण ३२ गते शनिवार ग्रिनल्याण्ड ब्याङ्क्वेट, थानकोट, काठमाडौंमा भएको कार्यक्रममा नेपालका प्रथम महिला प्रधान न्यायाधीश सुशीला कार्कीलाई सम्मान गरिएको छ ।
कार्यक्रममा सम्बोधन गर्नु हुदै सर्वोच्च अदालतका पूर्व प्रधान न्यायाधीश शुसिला कार्कीले लायन्स क्लबले समाजमा पुर्याएको योगदान र बिशेष गरि वर्तमान गभर्नरले ल्याएको महिला सशक्तीकरण र सीपमूलक तालिम संचालनको खुलेर प्रशंसा गरिन्।
कार्यक्रममा डिस्ट्रिक्ट गभर्नर लायन ईन्दु लम्सालले समाज रुपान्तरणमा महिलाहरुले खेलेको महत्त्वपूर्ण भूमिकालाई उजागर तुल्याउन यस वर्ष सामाजिक सेवामा सकृय महिलाहरुलाई सम्मान गरिने र महिला सशक्तीकरणका कार्यक्रम अगाडि बढाईने बताईन्।
कार्यक्रममा प्रमुख अतिथी लायन्स क्लबका ईन्टरनेशनल डाईरेक्टर सन्जय खेतानले आफ्नो धारणा राख्दै उपस्थित लायन लिडरहरुलाई उत्साहित गराएका थिए। एरिया लिडर बालकृष्ण बुर्लाकोटी, पूर्व गभर्नरहरु राजन लम्साल, गिरधारी शर्मा, गौतममान श्रेष्ठ, योगेन्द्र प्रधान, ध्रुब थापा, धनराज आचार्य, अशोक श्रेष्ठ लगायतका अतिथिहरुको उपस्थितिमा सम्पन्न भएको क्याविनेट बैठकलाई बिशेष महत्वका साथ हेरिन्छ।
यस बैठकमा १३४ वटा नयाँ क्लवहरुको समुद्घाटन र नयाँ क्लवका सबै संस्थापक अध्यक्षहरुलाई सम्मान गरिएको थियो। यस क्याविनेट मिटिङले लायन्सहरुमा छुट्टै उत्साह र उमंग ल्याएको र यस्तो भव्य कार्यक्रममा सहभागी हुन पाउँदा आफूमा नयाँ उर्जा थपिएको लायन्स क्लब अफ काठमाडौं गोङ्गबुका अध्यक्ष लक्ष्मण ढुङ्गानाले बताए।
मिटिङमा देश भरिबाट करिव पच्चीस सय लायन्स सदस्यहरु सहभागी भएका थिए। अनुमान गरिए भन्दा धेरै सहभागी उपस्थित भएकाले व्यवस्थापनमा केही समय समस्या उत्पन्न भएको तर सावधानी पूर्वक समाधान गरिएको आयोजक लायन्स क्लब अफ काठमाडौं ग्लोबल टाउनका पूर्व अध्यक्ष तथा जोन चियर पर्सन अनुज कुमार श्रेष्ठले जानकारी दिए। श्रेष्ठले कार्यक्रममा उपस्थित भएर पनि भिडभाडका कारण सहभागीताको प्रमाणपत्र पाउन नसक्नु भएकाहरुले आयोजक क्लबमा यथासिघ्र सम्पर्क राख्न अनुरोध गरेकाछन्।
विश्व भरी लायन्स क्लवलाई मानवीय सेवा र सामाजिक क्रियाकलापका निम्ति अब्वल मानिन्छ। नेपालमा महाभुकम्पका बेला पिडितहरुलाई उद्धार गर्ने, राहत सामाग्री वितरण गर्ने, बाढी पहिरो, आगलागि हुदा उद्धार कार्यमा जुट्न लायन्स क्लवका सदस्यहरुको भूमिका अग्र स्थानमा रहेकोछ।
