काठमाडौं । नेपाल आयल निगमले हवाई इन्धनको मूल्य घटाएको छ। मंगलबार निगम सञ्चालक समितिको बैठकले हवाई इन्धनको मूल्यप्रति लिटर २६ रुपियाँसम्मले घटाउने निर्णय गरेको हो ।
निगमले आन्तरिक तर्फ हवाई इन्धनको मूल्य प्रतिलिटर १० रुपियाँले घटाएर १५० कायम गरेको छ भने बाह्य तर्फको हवाई इन्धनको मूल्य प्रतिलिटर २६ रुपियाँ घटाएर १५१.११ रुपियाँ कायम गरेको छ।
निगमले हवाई इन्धनको मूल्य प्रतिकिलोलिटर २०० अमेरिकी डलर घटाएको हो । घटेअनुसार प्रतिकिलोलिटर हवाई इन्धन एक हजार १५० डलर कायम भएको छ।
हवाई इन्धनको मूल्य घटाउन वायुसेवा सञ्चालकहरुले सरकारसँग आग्रह गर्दै आएका थिए । यस निर्णयसँगै हवाई इन्धनको भाडा घटाउन पनि बाटो खुलेको छ ।