मङ्गलबार २० कात्तिक, २०८१ | Tuesday Nov 05, 2024
काठमाडौं । सर्वोत्तम सिमेन्टको सार्वजनिक प्राथमिक शेयर निष्कासन (आईपीओ) मा आजदेखि आवदेन दिन सकिने भएको छ ।
कम्पनीले पहिलोपटक बुक बिल्डिङमार्फत आईपीओ निष्कासन तथा बिक्री खुला गरेको हो । कम्पनीले प्रतिकित्ता ३६०.९० रुपियाँका दरले २७ लाख ७६ हजार ७६ कित्ता सेयर निष्कासन गरेको हो ।
यसमा सर्वसाधारणले न्यूनतम ५० कित्तादेखि १० हजार कित्ताका लागि आवेदन दिन सक्नेछन् । यसमा फागुन १६ गतेसम्म आवेदन दिन सकिनेछ । उक्त समयमा सबै सेयर बिक्री नभएमा भने फागुन २७ गतेसम्म खुला रहनेछ ।
कम्पनीले उद्योग प्रभावित क्षेत्रका स्थानीय बासिन्दा, वैदेशिक रोजगारीमा रहेका नेपाली, कर्मचारी तथा सामूहिक लगानी कोषलाई शेयर बाँडफाँट गरी बाँकी रहेको शेयर सर्वसाधारणलाई बिक्री गर्न लागेको हो ।
कम्पनीको सेयर निष्कासन तथा बिक्री प्रबन्धकमा ग्लोबल आइएमई क्यापिटल छ ।
