सोमबार १९ कात्तिक, २०८१ | Monday Nov 04, 2024
काठमाडौं । लगातार घटिरहेको शेयर बजार आज उकालो चढे पनि कारोबार रकम भने २ अर्बमै खुम्चिएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार १३.२८ अंकले बढेको हो । ०.६७ प्रतिशतले बजार बढ्दा नेप्से परिसूचक १९९२.३० अंकमा उक्लिएको छ ।
आज ३१४ कम्पनीका ५९ लाख ८८ हजार ७ सय १७ कित्ता शेयर किनबेच हँुदा २ अर्ब १ करोड ७७ लाख ३९ हजार ६०.६८ रुपियाँ बराबरको कारोबार भएको छ ।
बजार बढेको दिन बोटलर्स नेपाल बालाजुका लगानीकर्ताहरुले सबैभन्दा बढी १० प्रतिशतले नाफा कमाएका छन् ।
त्यस्तै समाज लघुवित्तका लगानीकर्ताहरुले सबैभन्दा बढी १० प्रतिशतले घाटा व्यहोरेका छन् ।
आज सोनापुर मिनरल्सको उच्च कारोबार भएको छ । उक्त कम्पनीको ९ करोड ७१ लाख ८० हजार २ सय २९.६० रुपियाँ बराबरको कारोबार भएको नेप्सेले जनाएको छ ।
साताको पहिलो दिन हिजो आइतबार २६.८१ अंकले बजार घट्दा ३ अर्ब ८ करोड ६९ लाख ५१ ह्जार ७०.५१ रुपियाँ बराबरको कारोबार भएको थियो ।
