शनिबार २२ बैशाख, २०८१ | Saturday May 04, 2024
काठमाडौं । मलेसियामा दुई नेभी हेलिकप्टर एकापसमा ठोक्किँदा १० जनाको मृत्यु भएको छ ।
रोयल मलेसियन नेभी परेडको रिहर्सल गर्दा दुर्घटना भएको हो । मृतक सबै नेभीका क्रू मेम्बर्स हुन् ।
नेभीले आफ्नो ९०औं वार्षिकोत्सव परेडका लागि रिहर्सल गरिरहेको थियो । सो समयमा एचओएम (एम५०३–३) हेलिकप्टर फेनेक हेलिकप्टरको रोटरसँग ठोक्कियो ।
दुर्घटनापछि फेनेक हेलिकप्टर स्विमिङ पुलमा खसेको थियो भने एचओम हेलिकप्टर लुमुत बेसको स्टेडियमनजिकै दुर्घटना भएको अन्तर्राष्ट्रिय समाचार संस्थाले उल्लेख गरेका छन् ।
बीबीसीका अनुसार मंगलबार बिहान साढे नौ बजेतिर पेराक, नेभल बेसमा दुर्घटना भएको हो । समाचार संस्था रोयटर्सका अनुसार मृतक सबैको उमेर ४० वर्षभन्दा कम रहेको छ ।
