बिहीबार १५ कात्तिक, २०८१ | Thursday Oct 31, 2024
काठमाडौं । आईसीसी टी–२० विश्वकपमा आज भारत र पाकिस्तान भिड्दै छन् । यी दुई देशबीचको खेललाई प्रतिस्पर्धाभन्दा पनि प्रतिशोध मानिँदै आएको छ ।
प्रतियोगिताको समूह ‘ए’ मा रहेका दुवै टिमको यो दोस्रो खेल हो । यसअघि पहिलो खेलमा अमेरिकाविरुद्ध सुपर ओभरमा पाकिस्तानले हार व्यहोरेको थियो ।
न्युयोर्कस्थित नासाउ काउन्टी अन्तर्राष्ट्रिय क्रिकेट रंगशालामा हुने यो खेल नेपाली समयअनुसार राति ८ः१५ बजेदेखि सुरु हुनेछ ।
खेलमा भारतका रोहित शर्मा र पाकिस्तानका बाबर आजमको कप्तानीमा मैदान उत्रिनेछन् ।
समूह ‘ए’मा रहेको भारत दुई अंकसहित तालिकाको दोस्रो र अंकविहीन पाकिस्तान तालिकाको चौथो स्थानमा छ ।
