मङ्गलबार २० कात्तिक, २०८१ | Tuesday Nov 05, 2024
काठमाडौं । आइतबार (असार २ गते) देखि काठमाडौं उपत्यकाका विभिन्न स्थानमा विद्युत् आपूर्ति कटौती हुने भएको छ ।
नेपाल विद्यत् प्राधिकरणले कीर्तिपुर, कुलेश्वर, बानेश्वर र जोरपाटी वितरण केन्द्रअन्तर्गतका विद्युतीय तार भूमिगत गर्ने कार्यका लागि विद्युत् कटौती गर्न लागिएको जनाएको छ ।
विद्युत् बिहान ११ बजेदेखि दिउँसो ३ बजेसम्म कटौती हुनेछ ।
असार २ गते डाँची फिडरअन्तर्गतको मूलपानी पिपलबोटदेखि बाबाचोकसम्मको क्षेत्रमा बिजुली हुनेछनैन ।
त्यस्तै, ३ गते कालीमाटी फिडरअन्तर्गत रविभवनदेखि कलंकी मन्दिरसम्म, ४ गते कोटेश्वर फिडरअन्तर्गत तीनकुने पुलदेखि महादेवखोला पुलसम्म र ५ गते कीर्तिपुर फिडरअन्तर्गत पाँगा सडक क्षेत्रमा विद्युत् आपूर्ति हुने प्राधिकरणको भनाइ छ ।
त्यसैगरी ६ गते ताहाचल फिडरअन्तर्गतको कालीमाटी चोक क्षेत्र, ७ गते बौद्ध क्षेत्र र ८ गते नगाउँ क्षेत्रमा बिहान ११ बजेदेखि दिउँसो ३ बजेसम्म बिजुली कटौती हुने भएको छ ।
साथै, मौसम प्रतिकूल रहेका विद्युत् कटौती नहुने पनि प्राधिकरणले जनाएको छ ।
