सोमबार १९ कात्तिक, २०८१ | Monday Nov 04, 2024
काठमाडौं । रिलायन्स फाइनान्सको वार्षिक साधारण सभा आज (भदौ २० गते) बस्दैछ ।
सभा, अनुपम फुड ल्यान्ड एन्ड ब्यांकेट, बत्तीसपुतली काठमाडौंमा बिहान ११ बजे शुरू हुनेछ ।
लाभांश सम्बन्धी कुनै एजेण्डा समावेश नगरेको यस कम्पनीको सभामा आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ ।
सभाले आर्थिक वर्ष २०८०/८१ का लागि लेखापरीक्षक नियुक्ति गरी पारिश्रमिक निर्धारण गर्नेछ । साथै, अन्य उपयुक्त वित्तीय संस्थासँग मर्जर अथवा एक्विजिशनसम्बन्धी कार्य गर्न तथा बैंकको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिनेछ ।
सभा प्रयोजनार्थ कम्पनीले भदौ ६ गते बुक क्लोज गरिसकेको छ । अतः भदौ ५ गतेसम्म नेप्सेमा कारोबार भई कायम शेयरधनी मात्रै सभामा उपस्थित हुन सक्नेछन् ।
