काठमाडौंः तत्कालिन राजपरिवारका सदस्यहरु पोखरा जाँदा आराम गर्ने फेवाताल किनारको रत्न मन्दिरको सुरक्षामा खटिएका एक सैनिकले आफ्नै सहकर्मीको हत्या गरेका छन् ।
हाल सरकारको सम्पत्तिको रुपमा रहेको यो मन्दिरको सुरक्षार्थ खटिएका दार्चुला घर भई प्युठ पदमा कार्यरत बसन्त लोहारले गोली हानेर बैतडी घर भएका गणेशसिंह विष्टको मंगलबार बिहान साढे ४ बजे हत्या गरेका हुन ।
लोहारले सात राउण्ड हानेको समाचार स्रोतहरुको भनाई छ । उनीहरुबीच आपसी मनमुटावका कारण गोली हानेको हुनसक्ने अनुमान गरिएको छ । गोली हान्ने लोहार सैनिक नियन्त्रणमा रहेको र मृतक विष्टको शव पोष्टमार्टमका लागि अस्पताल लगिएको जनाइएको छ ।
