काठमाडौंः निजी क्षेत्रको दूरसञ्चार सेवा प्रदायक एनसेल प्रालिले यस बर्ष पनि देशका प्रमुख शहरहरुमा आयोजना गर्दै आएको एनसेल मेला भोलि शनिबार ललितपुरको जावलाखेलमा आयोजना गर्ने भएको छ ।
आफ्ना ग्राहक तथा शुभचिन्तकहरुसँग थप नजिक भई खुसीयाली साटासाट गर्न र दु्रतगतिको मोवाइल ब्रोडव्याण्ड सेवा लङ्ग टर्म इभोलुसन÷फोरजीको अनुभव प्रदान गर्न भन्दै एनसेलले जाउलाखेल फुटबल मैदानमा एनसेल मेला गर्न लागेको हो ।
यसअघि विराटनगर र पोखरामा भव्यरुपमा मेला सम्पन्न गरेको यो मेला भोलि काठमाडौं उपत्यकाभित्र गर्न लागेको हो । विभिन्न मनोरञ्जनात्मक कार्यक्रमहरुसहित आयोजना गर्ने जनाइएको एनसेल मेलामा गीत(संगीतलगायत सबै उमेर समुहका दर्शक तथा आगन्तुकहरुका लागि रोचक कार्यक्रमहरु समावेश गरिएको एनसेलको विज्ञप्तिमा उल्लेख छ ।
मेला बिहान ११ बजे सुरु भई कम्सर्टसहित साँझ ६ बजेसम्म चल्ने छ । चर्चित कलाकारहरु शिव परियार, इन्दिरा जोशी, आषिश राना (लाउरे), चर्चित सांगीतिक समुहहरु कबवेभ र द एजले मेलामा सहभागी सबै दर्शकलाई आ(आफ्ना प्रस्तुतीहरुमार्फत मनोरञ्जन प्रदान गर्नेछन् ।
मेलाको अरु आकर्षणहरुमा गेम स्टलहरु, किडस् जोन, फोरजीजोन र फुड स्टल पनि रहेनछन् । स(साना बालबालिकाहरुको गायन प्रतिभा उजागर गर्न मेलामा ‘जुनियर सिङ्गिङ आइडल’ कार्यक्रमको आयोजना गरिनेछ । त्यसैगरी, बालबालिकाका लागि ट्राम्पोलिन, गो कार्ट, टेम्पोररी ट्याटु, डिस्नी प्रिन्सेस् क्यासल र क्यारेक्टरहरुलगायत विविध आकर्षणहरु रहनेछन् ।
आगन्तुकहरुलाई मनोरञ्जन प्रदान गर्नका लागि मेलामा फोरजी थिममा आधारित पेपर प्लेन थ्रो, मिनीगल्फ, फ्रगजम्प र कार रेस जस्ता गेम्स्, फेसबुक ट्यागिङ कन्टेस्ट, ब्लाइण्ड मेकअप, युनिकर्न रिङ् टस जस्ता गेमहरु पनि रहने जनाइएको छ ।
प्रवेश निःशुल्क हुने यस मेलामा रोडिज्का विजेता समन श्रेष्ठ र उपविजेता अनिमेश शाहीको सहभागीताले मेलाको आकर्षण थप बढाउने भन्दै एनसेलले थुप्रै गेम स्टलहरुमा दर्शकले मनोरञ्जन लिनुका साथै विभिन्न पुरस्कारहरु पाउन सक्ने जानकारी दिएको छ ।