सुरुङ खनेर भए पनि लामाबगरबाट चीनसँगको नाका जोड्छुः ओली

kp-oli

फाइल फोटो

दोलखाः चिनियाँ राजदूतसँगै लामा बगर पुगेका प्रधानमन्त्री केपी ओलीले सुरुङ बनाएरै भए पनि लामाबगरबाट चीनसँगको नाका जोड्ने प्रतिवद्धता जनाएका छन् ।

राष्ट्रिय गौरवको आयोजना माथिल्लो तामाकोसी जलविद्युत आयोजनाको स्थलगत निरीक्षणका क्रममा लामाबगर पुगेका प्रधानमन्त्री ओलीले छ सात किलोमिटर सडक निर्माण गरेरै भए पनि नाका जोडिने बताएको समाचार आजको कारोबारमा छापिएको छ ।

united_cement

भारतको सिमाना भिट्टामोडदेखि लामाबगरसम्मको सडक राम्रोसँगै २ लेनको तयार भएको छ । ‘अब तिब्बत सिमाना पुग्न थोरै भएकाले कठिन भूगोलमा सुरुङ बनाएर भए पनि नाका खुल्छ,’ प्रधानमन्त्रीले भने, ‘यसबारे म काठमाडौं फर्कनासाथ विशेष निर्णय हुन्छ ।’

प्रधानमन्त्री ओलीले नाका जोड्ने कुरा गर्दा चिनियाँ राजदूत यू होङ साथमै थिइन् ।