काठमाडौँः पहिलो हाफको ३२औं मिनेटमा गोल गर्दै अग्रता लिएको स्विडेनविरुद्ध जर्मनीले दोस्रो हालमा दुई गोल गर्दै नकआउट चरणमा प्रवेश गर्ने आफ्नो संभावना कायमै राख्न सफल भएको छ ।
विश्वकफ फुटबलअन्तर्गत समूहचरणको दोस्रो खेलमा जर्मनीले स्विडेनलाई २१ गोलले हराउन सफल भएको हो । ११ गोलको बराबरी अवस्थामा रहेको अवस्थामा खेलको अन्तिम समय थप भएको अतिरिक्त समयको अन्तिम मिनेटमा जर्मनीका टोनी क्रुसले गोल गर्दै जर्मनीलाई जोगाउन सफल भएका हुन ।
आफ्नो संभावना कायम राख्न आज जित्नै पर्ने दबाबमा जर्मनी थियो । उत्कृष्ट प्रदर्शन हुँदाहुँदै पनि गोल गर्न नसक्दा अन्तिमसम्म निकै दबाबमा परेको जर्मनीलाई अतिरिक्त समयको गोलले ठूलो राहत दिएको छ भने यता स्विडेनलाई ठूलै झड्का लागेको छ ।
अहिलेसम्म दुई खेलबाट जर्मनीले ३ अंक बटुलेको छ भने स्विडेनको पनि समान अंक छ । मेक्सिकोले दुई खेलमा दुवै खेल जित्दै ६ अंक बनाइसकेको छ । सन् २०१४ को विश्वकप जितेको डिफेन्डिं च्याम्पियन जर्मनी यसअघि पहिलो खेलमा मेक्सिकोसँग १–० ले पराजित भएको थियो ।
मेक्सिकोले शनिबार नै दक्षिण कोरियालाई पराजित गर्दै ६ अंकसहित समूहको शीर्षस्थानमा उक्लिसकेको हो । अब जर्मनी समूह चरणको अन्तिम खेल दक्षिण कोरियासँग खेल्नेछ भने स्विडेनले मेक्सिकोसँग खेल्ने भएकाले जर्मनी अन्तिम १६ मा उक्लिने संभावना बढि देखिन्छ ।
