काठमाडौं। कामना सेवा विकास बैंक लिमिटेडले आफ्नो सेवा बिस्तारको क्रममा झापाको दमक नगरपालिका–६, सन्तविर चोकमा यही फागुन २७ गते आफ्नो ६९ औँ शाखा कार्यालय स्थापना गरि कारोबार शुभारम्भ गरेको छ ।
बैंकका संचालक समिति सदस्य भीमप्रसाद तुलाचन तथा प्रमुख कार्यकारी अधिकृत प्रविण बस्नेतले संयुक्त रुपमा कारोबार शुभारम्भ गरेका थिए । प्रमुख कार्यकारी अधिकृत बस्नेतले उक्त शाखा प्रदेश नं. १ को दोस्रो शाखा भएको र थप सात शाखाहरु पनि शीघ्र सञ्चालनमा ल्याउने बताउँदै बैंकको आगामी रणनीतिको बारेमा समेत जानकारी गराए ।
ज्ञानेश्वरमा केन्द्रीय कार्यालय रहेको बैंकले देशका विभिन्न भागहरुमा ६८ वटा शाखा कार्यालयहरु तथा २० वटा एटिएममार्फत आफना ग्राहकलाई सेवा प्रदान गर्दै आएको छ ।
