अनलाइनबाट सेयर कारोबार गर्नेलाई पनि प्यान लागू गर्न नेप्सेको निर्देशन

शेयर सूचीकृत

काठमाडौं।  नेपाल स्टक एक्सचेन्ज (नेप्से) ले अनलाइनबाट सेयर कारोबारमा पनि स्थायी लेखा नम्बर (प्यान) लागू गर्न ब्रोकरहरुलाई निर्देशन दिएको छ । नेप्सेले बिहीबार एक विज्ञप्तिमार्फत वैशाख १ गतेदेखि लागू हुने उक्त व्यवस्था लागू गर्न ब्रोकरहरुलाई निर्देशन दिएको हो ।

नेप्सेले अनलाइन लगइन लिएर प्यान नम्बर पेश गर्न बाँकी रहेका लगानीकर्तालाई पनि एक पटकमा पाँच लाखभन्दा बढीको कारोबार गर्न प्यान अनिवार्य रहेको जानकारी गराउन ब्रोकरलाई निर्देशन दिएको छ ।

एकपटकमा ५ लाख भन्दा बढी रकमको सेयर खरिद गर्ने लगानीकर्तालाई  अनिवार्य रुपमा प्यान लागू गराउन नेप्सेले अनुरोध गरेको छ।