प्रभु बैंकले शुरु गर्यो ‘सहयात्रा समृतिको’ कर्जा योजना, महिला टेम्पो चालक र शिक्षकलाई ४ लाखसम्म दिने

काठमाडौँ । प्रभु बैँकले ‘सहयात्रा समृद्धिको’ नामको कर्जा योजना आरम्भ गरेको छ । नेपाल राष्ट्र बैँकले जारी गरेको सहुलियतपूर्ण कर्जाका लागि ब्याज अनुदान सम्बन्धि एकिकृत कार्यविधि २०७५ अन्तर्गतको यो कर्जा योजना आइडिया स्टुडियो नेपाल स“गको सहकार्यमा आरम्भ गरिएको हो । 

कोभिड–१९ को कारणले प्रभाबित र समस्यामा परेका साना उधमी तथा व्यबसायी, स्वरोजगार उधमी, शिक्षीत बेरोजगार युवा, बिदेशबाट फर्केका बेरोजगार युवा, परम्परागत पेशा र व्यबसायमा सँलग्न उधमी हरुको बिधमान आर्थिक कठिनाईलाई व्यवस्थापन गर्न र यस माहामारीमा उनीहरुका पेशा, उधम र व्यवसायहरुलाई पुन सुचारु गर्न सहयोग पुर्याउने लक्ष्यका साथ ल्याईएको हो । 
सहयात्रा समृद्दिको यो कर्जा योजना उक्त समुहलाइ आर्थिक उन्नति सहित जीवनभरको एउटा वित्तीय आधार र संयन्त्र तयार गर्ने एउटा प्रयास पनि हो ।

अर्कोतिर,  हाल विद्यालयहरुले विधार्थीहरुका लागि अनलाईन कक्षाहरु संचालन गरिरहेका छन् तर शिक्षकहरुले अनलाइन कक्षा संचालनका लागि आवश्यक पर्ने इन्टरनेट पहुँच, कम्प्यूटर तथा फर्निचर जस्ता न्यूनतम आवश्यकताहरुको जोहो गर्न सकेका छैनन् । यस कर्जा योजना अन्तर्गत प्रथम चरणमा बैँकले काठमाडाँै उपत्यका भित्रका महिला सफा टेम्पो चालकहरुलाई अधिकतम रु १ लाख  र बिधालय शिक्षकहरुलाई अधिकतम रु ४ लाख कर्जा सुविधा सरल र सहज तरिकाले उपलब्ध गराउनेछ । 

सोही क्रममा यो कर्जा योजना शुभारम्भको अबसरमा काठमाडौँ उपत्यका भित्रका १० जना महिला सफा टेम्पो चालकहरुलाई कर्जा प्रमाणपत्र हस्तान्तरण गरिएको बैंकले जनाएको छ । यो कर्जा योजना तोकिएका अन्य पेशा, उधम र व्यबसाय साथै काठमाडौँ उपत्यका बाहिर पनि क्रमशः लागु गर्दै जाने जनाएको छ ।

‘सहयात्रा समृद्दिको’ कर्जा योजना र यसको प्रक्रियामा ग्राहकहरुले कर्जा संगसंगै वित्तीय साक्षरता, वित्तीय व्यवस्थापन र अनुशासनको  ज्ञान तथा सीपहरु पनि सिकुन् भन्ने अभिप्राय केन्द्रित गरिएको छ । यस बिषमताको घडिमा प्रत्यक्ष र अप्रत्यक्ष रुपमा मार खेपिरहेका व्यक्ति र व्यबसायहरु यस कर्जा योजनाबाट लाभान्वित हुने बिश्वास बैँकले लिएको छ ।