भिभोद्वारा उपहारहरुसहित सेल्स कार्निभल आयोजना, मूल्य पनि घटायो

काठमाडौं । भिभो स्मार्टफोन ब्रान्डले आज नेपालमा आफ्नो ५ वर्ष पूरा गरेको छ । विगत पाँच वर्षदखि बजारमा आफ्नो बलियो उपस्थितिको फलस्वरूप, भिभोले नेपालको लोकप्रिय स्मार्टफोन ब्रान्डहरूमध्ये एक बन्न सफल भएको दाबी गरेको छ । 

पाचौं वार्षिकोत्सवको उपलक्ष्यमा, भिभोले आफ्ना उपभोक्ताहरूलाई आभार प्रकट गर्न आकर्षक उपहारहरु र विशेष मूल्य कटौतीसहित आफ्नो वार्षिक सेल्स कार्निभल आजबाट शुरु गरेको छ ।

यसका लागि लक्की ड्र मा सहभागी हुन् ग्राहकहरुले कम्पनिको वेबसाइट वा सामाजिक सञ्जालमा भएको क्यूआर कोर्ड स्क्यान गरेर आवश्यक विवरण पेश गेरेपछि तत्कालै आफूलाई परेको पुरस्कार थाहा पाउन सक्नेछन् । 

पुरस्कार जित्नका साथै, ग्राहकहरूले कार्निभल अवधिभरि केही उत्कृष्ट स्मार्टफोनहरू अझ सुपथ मूल्यमा किन्न सक्छन् जसअन्तर्गत सेल्स कार्निभल अवधिका लागि वाई२१ (४+६४जीवी) को मूल्यमा रु.१००० ले घटाइएको छ । त्यस्तै वाई१५एस र वाई१५सी को मूल्य रु. १५०० ले घटाइएको छ । यससंगै कार्निभल अवधिका लागि वाई२१, वाई१५एस र वाई१५सी को नयाँ मूल्य क्रमशः रु २१,९९९, रु १८४९९ र रु.१६,४९९ रहेको छ । 

यसैक्रममा भिभो नेपालका प्रमुख कार्यकारी अधिकृत माइकले भने, ‘नेपालमा हाम्रो पाँचौं वार्षिकोत्सव मनाउन पाउँदा हामीलाई धेरै खुशी लागेको छ । यो एक अद्भुत अनुभव हो, र हामी हाम्रा प्रिय उपभोक्ताहरूको माया र समर्थनको लागि सदैव आभारी छौं र उनीहरुका लागि सेल्स कार्निभलमार्फत आकर्षक अफर र उपहारहरु प्रदान गर्न चाहन्छौं । हामीले भिभोको यात्रामा हाम्रा ग्राहकवर्ग, साझेदारहरू, वितरकहरू र खुद्रा विक्रेताहरूबाट धेरै माया र समर्थन पाएका छौं । र, हामी नेपालमा अझ उत्कृष्ट सेवाहरू प्रदान गर्न जारी राख्नेछौं ।’

यो योजना मंसिर १५ गतेदखि पुस १६ गतेसम्म लागू हुनेछ, जहाँ उपभोक्ताहरूले सहभागी भएर आकर्षक अफरहरूको लाभ लिन सक्नेछन् ।