शुक्रबार ४ जेठ, २०८१ | Friday May 17, 2024
काठमाडौ । मर्जर र एफपीओमा कर तिर्नेको संख्या ४५ पुगेको छ । अदालतले मुद्दा खारेज गरेसंगै कर दाखिला गर्नेको संख्या बढेको हो ।
आइतबारसम्म मर्जर र एफपीओमा कर तिर्नेको संख्या ४५ पुगेको ठूला करदाता कार्यालयका निर्देशक प्रकाश पौडेलले जानकारी दिए । उनका अनुसार यी बैंक तथा बित्तीय संस्थाबाट कूल १३ अर्ब ५ करोड कर असुल भएको हो ।
निर्देशक पौडेलले भने, ‘कम्पनीहरुले शनिबार नै कर दाखिला गरेपनी क्लियरिङमा समय लाग्दा हाम्रो प्रणालीमा आइतबार मात्रै देखिएको हो ।’
यसअघि सर्बोच्च अदालतले कम्पनीहरुले दायर गरेको मुद्दा नै खारेज गरेको थियो ।
