बिहीबार २० बैशाख, २०८१ | Thursday May 02, 2024
काठमाडौं । प्राइम कमर्सियल बैंकको २ अर्ब ८७ करोड ८७ लाख रुपियाँ खुद नाफा कमाएको छ ।
बैंकले आज तेस्रो त्रैमाससम्मको अपरिस्कृत वित्तीय विवरण सार्वजनिक गर्दै नाफा बढाएको उल्लेख गरेको हो । बैंकले गत वर्षको समीक्षा अवधिमा २ अर्ब ४६ करोड ७५ लाख रुपियाँ नाफा कमाएको थियो ।
वित्तीय विवरण अनुसार बैंकले ५ अर्ब ७८ करोड ३८ लाख रुपैयाँ खुद ब्याज आम्दानी गरेको छ । बैंकको कुल सञ्चालन आम्दानी ७ अर्ब १६ करोड करोड र सञ्चालन नाफा ४ अर्ब ११ करोड रहेको उल्लेख छ ।
बैंकको वितरणयोग्य नाफा ३१ करोड ३३ लाख छ । प्रतिशेयर आम्दानी १९.७८ रुपियाँ र मूल्य आम्दानी अनुपात ९.६० गुणा र प्रतिशेयर नेटवर्थ १५४.६० रुपियाँ छ । त्यस्तै बैंकको खराब कर्जा ४.२९ प्रतिशत छ ।
बैंकको हाल कायम चुक्ता पूँजी १९ अर्ब ४० करोड र जगेडा कोष १० अर्ब २८ करोड रहेको वित्तीय विवरणमा उल्लेख छ ।
