शनिबार १७ कात्तिक, २०८१ | Saturday Nov 02, 2024
काठमाडौं । शेयर बजार दोहोरो अंकले बढेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार १४.३३ अंकले बढेको हो । ०.७२ प्रतिशतले बजार बढ्दा नेप्से परिसूचक १९८०.२७ अंकमा पुगेको छ ।
आज सबै समूहमा हरियाली छाएको छ । वित्त समूह सबैभन्दा बढी ३.९८ प्रतिशतले बढेको हो ।
३०८ कम्पनीका ६८ लाख ७८ हजार १ सय ५९ कित्ता शेयर किनबेच हुँदा २ अर्ब ६८ करोड २५ लाख ८६ हजार ९ सय ५५.८२ रुपियाँ बराबरको काराबार भएको हो ।
पोखरा फाइनान्सका लगानीकर्ताले सबैभन्दा बढी ९.८४ प्रतिशतले नाफा कमाएका छन् । त्यस्तै रिभर फल्स पावरका लगानीकर्ताहरुले सबैभन्दा बढी ४.६३ प्रतिशतले घाटा व्यहोरेका छन् ।
आज पोखरा फाइनान्सको उच्च कारोबार भएको छ । उक्त कम्पनीको १३ करोड ५ लाख ९२ हजार ५ सय ८४.५० रुपियाँ बराबरको कारोबार भएको नेप्सेले जनाएको छ ।
