शुक्रबार १६ कात्तिक, २०८१ | Friday Nov 01, 2024
काठमाडौं । नेपालमा पाँच तारे डिलक्सको संख्या तीन पुगेको छ ।
नक्सालस्थित हिल्टन काठमाडौंले हालै पाँच तारे डिलक्सको इजाजतपत्र लिएपछि नेपालमा पाँच तारे डिलक्सको संख्या तीन पुगेको हो ।
झापाको होटल मेची क्राउन, सोल्टी होटल लिमिटेड र हिल्टन काठमाडौं गरी नेपालमा पाँच तारे डिलक्सको संख्या तीन पुगेको पर्यटन विभागका प्रवक्ता तथा होटल शाखाका निर्देशक कालीबहादुर भुजेलले जानकारी दिए ।
उनको अनुसार एक महिनाको अवधिमा हिल्टन काठमाडौंले पाँच तारे डिलक्स, ठमेलस्थित नेपाली घरले एक तारे, बुद्धनिलकण्ठस्थित होटेल फरेस्ट इनले पाँच तारे र साङ्गास्थित फर्च्यून रिसोर्टले डिलक्स रिसोर्टको इजाजतपत्र लिएको छ ।
