शनिबार १७ कात्तिक, २०८१ | Saturday Nov 02, 2024
काठमाडौं । हाल देशभर मनसुनी वायुको प्रभाव रहेको छ। सोही कारण देशभर साधारणदेखि पूर्णतया बदली रहेको छ ।
जल तथा मौसम विज्ञान विभागका अनुसार अहिले कोशी, मधेश, बागमती, गण्डकी र लुम्बिनी प्रदेशका धेरै स्थानमा तथा बाँकी प्रदेशका थोरै स्थानमा चट्याङसहित हल्कादेखि मध्यम वर्षा भइरहेको छ ।
विभागका अनुसार आज दिउँसो देशभर साधारणतयादेखि पूर्णतया बदली रहनेछ । देशका केही स्थानमा चट्याङसहित हल्कादेखि मध्यम वर्षाको सम्भावना रहेको छ ।
साथै कोशी, बागमती, गण्डकी र सुदूरपश्चिम प्रदेशका थोरै स्थानहरूमा भारी वर्षा हुनेछ । साथसाथै कोशी, बागमती र गण्डकी प्रदेशका एकाध स्थानमा उच्च वर्षाको सम्भावना रहेको जनाउँदै विभागले सतर्कता अपनाउन आग्रह गरेको छ ।
त्यसैगरी राति देशभर साधारणतयादेखि पूर्णतया बदली रहनेछ ।
विभागका अनुसार कोशी, मधेश, बागमती र गण्डकी प्रदेशका केही स्थान तथा देशका बाँकी भू-भागका थोरै स्थानमा चट्याङसहित हल्कादेखि मध्यम वर्षाको सम्भावना रहेको जनाएको छ ।
साथै कोशी, मधेश, बागमती र गण्डकी प्रदेशका थोरै स्थानमा भारी वर्षा हुने विभागको पूर्वानुमान छ ।
