शुक्रबार १६ कात्तिक, २०८१ | Friday Nov 01, 2024
काठमाडौं । शेयर बजार आज उच्च अंकले बढेर २८ सय अंक पार गरेको छ । त्यस्तै पौने २६ अर्बको कारोबार भई हालसम्मकै उच्च रेकर्ड कायम भएको छ ।
गत साउन २२ गते एकै दिन २३ अर्ब २१ करोड ६७ लाखको रेकर्ड आज तोडिएको हो । २०७८ भदौ २ गते नेप्से हालसम्मकै उच्च ३१९८.६० अंकमा पुगेको रेकर्ड विद्यमान छ ।
नेपाल स्टक एक्सचेञ्ज लिमिटेड (नेप्से) का अनुसार आज ९४.५३ अंकले बजार बढेको हो । ३.४१ प्रतिशतले बजार बढ्दा नेप्से २०६०.९१ अंकमा पुगेको छ ।
शेयर बजारमा उछाल आउँदा आज सबै समूहमा हरियाली छाएको छ । सबैभन्दा बढी जीवन बीमा समूह ४.५५ प्रतिशतले बढेको छ ।
आज ३३० कम्पनीका ६ करोड ३ लाख २१ हजार ३ सय २३ कित्ता शेयर किनबेच हुँदा २५ अर्ब ७७ करोड ९४ लाख ५३ हजार ५ सय ९.९० अंकले बजार बढेको हो ।
विभिन्न ९ कम्पनीका लगानीकर्ताहरुले १०–१० प्रतिशतले नाफा कमाउँदा अरु १७ कम्पनीका लगानीकर्ताहरुले ९ प्रतिशत बढी नाफा कमाए ।
त्यस्तै कुथेली बुखरी हाइड्रोका लगानीकर्ताहरुले सबैभन्दा बढी १० प्रतिशतले घाटा व्यहोरे । आज ४५ कम्पनीको शेयर मूल्य घट्दा बाँकी सबै उचालिएका छन् ।
आज पनि हिमालयन रि र शिवम् सिमेन्टको उच्च कारोबार भएको छ । हिमालयन रि को १ अर्ब ५२ करोड र शिवम् सिमेन्टको १ अर्ब १६ करोड रुपियाँको शेयर किनबेच भएको नेप्सेले जनाएको छ ।
