शुक्रबार १६ कात्तिक, २०८१ | Friday Nov 01, 2024
काठमाडौं । सांग्रिला डेभलपमेन्ट बैंक लिमिटेडले संस्थापक शेयरको बिक्री खुला गरेको छ ।
बैंकले विभिन्न संस्थापक शेयरधनीको स्वामित्वमा रहेको कुल १ लाख ३९ हजार ६८३ कित्ता शेयरको बिक्री खुला गरेको हो ।
हाल यो शेयर संस्थाका विद्यमान शेयरधनीले मात्रै किन्न पाउनेछन् । सो शेयर किन्न इच्छुक संस्थापक शेयरधनीले आवश्यक कागजातसहित बैंकको केन्द्रीय कार्यालय बालुवाटार, काठमाडौंमा आफूले के कति शेयर खरिद गर्ने हो सोको विवरण खुलाइ ३५ दिनभित्र निवेदन दिनुपर्नेछ ।
तोकिएको समयभित्र संस्थापक शेयरधनीबाट खरिद आवेदन नपरेमा सो शेयर अन्य व्यक्तिलाई बिक्री गर्ने प्रक्रिया अघि बढाइने पनि कम्पनीले जनाएको छ ।
