शुक्रबार १६ कात्तिक, २०८१ | Friday Nov 01, 2024
काठमाडौं । नेशनल फण्ड म्यानेजमेन्ट लिमिटेडले अवितरित हकप्रद शेयरको बिक्री प्रक्रिया रद्द गरेको छ ।
कम्पनीले भदौ १३ गतेदेखि २० गतेसम्म लिलामी प्रक्रियाद्वारा बिक्री गर्ने भनेको ११ लाख ७२ हजार कित्ता शेयरको बिक्री प्रक्रिया एक सूचना प्रकाशन गर्दै रद्द गरेको हो ।
बिक्री प्रक्रियाका लागि कम्पनीले भदौ ६ (हिजो) मा सूचना जारी गरेको थियो ।
कम्पनीले जेठ ३२ गतेसम्म कायम शेयरधनीहरूका लागि २ः१ अनुपातमा ५४ लाख कित्ता हकप्रद शेयर असार १९ गतेदेखि साउन २२ गतेसम्म बिक्री खुला गरेको थियो । उक्त अवधिमा वितरण नभई बाँकी रहेको शेयर लिलाम प्रक्रियामार्फत बिक्री गर्ने तय गरेको थियो ।
कम्पनीले उक्त शेयरको न्यूनतम मूल्य रू. ५० मा प्रिमियमबापत रू ५० थप गरी न्यूनतम रू. १०० मा जोकोहीले किन्न पाउने गरी बिक्री गर्ने जनाएको थियो ।
