शुक्रबार १६ कात्तिक, २०८१ | Friday Nov 01, 2024
काठमाडौं । विशाल ग्रुपको सहायक कम्पनी भीजी मोटर्सले चीनको Jiangsu Joylong Automobile Co., Ltd. सँग एक विशेष सम्झौतामा हस्ताक्षर गरेको छ।
चीनमा औपचारिक रूपमा सम्पन्न भएको हो । यस सम्झौताद्वारा भिजी मोटर्स नेपालका लागि Joylong गाडीहरूको एकमात्र अधिकृत वितरकको रुपमा नियुक्त भएको छ ।
भिजी मोटर्स व्यावसायिक विधुतीय सवारी साधनको आयात, विक्रि वितरण तथा विक्रि पश्चातको सर्विसमा केन्द्रित छ । यसले नेपाली बजारको लागि ११ देखि २३ सिटे मिनी र माइक्रो भ्यानहरूको आवश्यकतालाई पूरा गर्दै आएको छ ।
एसआरएमद्वारा निर्मित ११ सिटे विधुतीय भ्यानको सफल संचालन पछि भिजी मोटर्सले चीनको प्रतिष्ठित कम्पनी Joylong सँग उनीहरूको १७ देखि २० सिटे विद्युतीय सवारी साधनहरू नेपालमा प्रस्तुत गर्ने सम्झौता गरेको छ।
जोइलोङ्ग अटोमोबाइल चीनको सबैभन्दा ठूला व्यावसायिक सवारी साधन निर्माता कम्पनीहरूमध्ये एक हो ।
