शुक्रबार १६ कात्तिक, २०८१ | Friday Nov 01, 2024
काठमाडौं । नेशनल लघुवित्त वित्तीय संस्था लिमिटेडले संस्थापक शेयर बिक्रीमा राखेको छ ।
लघुवित्तले विभिन्न संस्थापक शेयरधनीको नाममा रहेको ५३ हजार ९१४ कित्ता संस्थापक शेयर बिक्रीमा राखेको हो ।
लघुवित्तले यसअघि संस्थापकले मात्रै किन्न पाउने गरी सो शेयर बिक्रीमा राखेको थियो । तर ३५ दिनभित्र संस्थापक शेयरधनीबाट खरिद आवेदन नपरेपछि सर्वसाधारणले किन्न पाउने गरी पुनः बिक्री खुला गरिएको हो ।
इच्छुक लगानीकर्ताले आवश्यक पर्ने कागजातसहित ७ दिनभित्र लघुवित्तको केन्द्रीय कार्यालय बनेपा–१० काभ्रेपलान्चोकमा निवेदन दिनुपर्नेछ ।
